Mashtrimi 30 mln euro me TVSH-në, arrestohen 15 biznesmen (emrat)

Një tjetër skemë mashtrimi është arritur të zbuloohet nga Hetimi Tatimor. Në prangat e policisë momentalisht kanë rënë 15 biznesmenë dhe administratorë biznesesh ndërsa në kërkim janë dhe 10 të tjerë. Dëmi i paraprak ndaj shteti është në vlerën e 30 mln eurove. Të dyshuarit me aktivitete të ndryshme ekonomike si: Ndërtime konstruksion godinash , ndërtime të ndryshme, import,eksport, tregëtim me shumicë e pakicë të mallrave të ndryshme industrial, ushqimore, makineri e pjesë këmbimi, pajisje elektrike, elektronike, hidraulike, lëndë të para, materiale ndërtimi kanë kryer shitje dhe blerje të faturave fiktive duke i shkaktuar dëm ekonomik shtetit.

Operacioni nga Seksioni për Krimin Ekonomik dhe Financiar në bashkëpunim me Hetimin Tatimor nën drejtimin e Prokurorisë së Rrethit Gjyqësor Tiranë. Në pranga 15 administrator të shoqërive dhe kompanive të ndryshme.Në vijim të planin të posaçëm të masave “Për parandalimin, evidentimin dhe ndëshkimin e informalitetit, evazionit fiskal në turizëm, ndërtim, hidrokarbure, mallra të akcizës dhe krimeve të tjera mjedisore”, Seksioni për Krimin Ekonomik dhe Financiar në bashkëpunim me Hetimin Tatimor nën drejtimin e Prokurorisë së Rrethit Gjyqësor Tiranë, finalizoi operacionin policor të koduar “Informaliteti”, në kuadër të cilit u ndaluan 15 shtetas, administrator në kompani dhe shoqëri biznesi, konkretisht u ndaluan shtetasit:

Të arrestuar:

1. Besnik Pelivani, kompania e ndërtimit A.B.BE
2. Ilia Dimo, kompania IBS sh.p.k
3. Haxhi Sala, kompania Leksi ‘Security’
4. Fatmir Firi, kompania Arb &Trans Sh.p.k
5. Shpresa Joanidhi, kompania “Shpresa” sh.p.k
6. Ardian Bejko, kompania “Babeko Trans”
7. Shkëlqim Prodani, kompania ‘Red Black’
8. Mhill Ndreca, kompania “Kombeas”
9. Paqsor Buzi, aksioner me 50% i G.P.G Company
10. Vangjush Mbriçe, kompania C.E.C Group
11. Astrit Lala, kompania Leksi ‘Security 1’
12. Rabi Kurti, kompania “Kurti Construction”
13. Riza Roshi, kompania “Dorgen”
14. Vasil Korita, kompania “Medi Pharma”
15. Rrapo Baduni, kompania “Bani/s”

Ndalimi i këtyre shtetasve është bërë pasi këta shtetas me aktivitete të ndryshme ekonomike si: Ndërtime konstruksion godinash , ndërtime të ndryshme, import,eksport, tregëtim me shumicë e pakicë të mallrave të ndryshme industrial, ushqimore, makineri e pjesë këmbimi, pajisje elektrike, elektronike, hidraulike, lëndë të para, materiale ndërtimi kanë kryer shitje dhe blerje të faturave fiktive në total në vlerën 182.677.020 lekë me TVSH 25.704.243 lekë të reja. Shitjet janë kryer vetëm tek një subjekt tregëtar për të cilin nuk jepen të dhënat për arsye hetimi.
Nga analizimi i librave të blerjes rezultoj se shoqëria në total nuk ka kryer asnjë blerje ose importe sipas deklarimeve të subjektit në organin tatimor. Subjekti gjithashtu nuk ka berë asnjë deklarim tjetër në organin tatimor. Në kuadër të këtij proçedimi janë shpallur disa shtetas në kërkim, ku për arsye hetimore nuk jepen të dhëna të tjëra.
Materialet proçeduriale ju kaluan Prokurorisë pranë Gjykatës së Shkallës së Parë, Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave”,njofton policia./ sosnews.al

LEAVE A REPLY

Please enter your comment!
Please enter your name here